കാടും മലയും തേടി ഒരു യാത്ര

തറ നിരപ്പിൽ നിന്നും ഏറെ ഉയരത്തിലേക്കുള്ള യാത്ര

ഒരുപക്ഷെ ഇത്രയും കഷ്ടപ്പെട്ട് ഇതാദ്യമായി എന്നു പറയാം

അതുവരെ വഴിയോരക്കാഴ്ചകൾ വിരളം

ഉയർന്നുനിൽക്കുന്ന പാറക്കല്ലുകളിൽ ചവുട്ടി

വെള്ളച്ചാട്ടത്തിനടുത്തു എത്തുമ്പോൾ... ദൂരെ

മലയുടെ നടുവിൽ അങ്ങിങ്ങായി ഒരു താരാട്ടുപോലെ

ഒഴുകിവരുന്ന ജലധാരാ ദൃശ്യം... ഒട്ടേറെ വശീകരിച്ചത് !!

ദൃഷ്ടികൾക്കുമപ്പുറത്തെ ഉയരത്തിൽ കണ്ണീരൊഴുക്കുന്ന മലകളെ

തഴുകി ആശ്വസിപ്പിക്കുന്ന മേഘക്കീർ .....

മൃദുവാർന്ന നേരിയ ചുംബനം പോലെ ഇളം കാറ്റിന്റെ ലാസ്യത  -

ആ കണ്ണീരുറവകളിൽ തട്ടി ബഹിർസ്പുരിപ്പിക്കുന്നു 

മൗനത്തിന്റെയും ഒറ്റപ്പെടലിന്റെയും നൊമ്പരം ഉള്ളിലൊതുക്കി ഞാനും !!

അഗാധമായി സ്നേഹിക്കാൻ കൊതിക്കുന്നത് ഇത്തരം നിമിഷങ്ങളിലാണ്....

ആ നെഞ്ചിൽ ചാഞ്ഞിരുന്ന് സ്നേഹത്തിന്റെ മർമരം കേൾക്കാൻ....